Söngleikurinn Rocky Horror í uppsetningu Leikfélags Menntaskólans á Ísafirði verður frumsýndur 10.mars í Edinborgarhúsinu. 

Mánudaginn 27. febrúar fer fram sýning á verki í vinnslu með sirkuslistamanninum Mateo Castelblanco í Bryggjusal Edinborgarhússins. Aðgangur er ókeypis og öllum opinn. Sýningin mun taka innan við 20 mínútur en að henni lokinni býður Mateo upp á spjall við gesti.

Leiklistarhópur Halldóru sýnir söngleikinn Vondar stelpur í Edinborgarhúsinu dagana 2.-5. febrúar. Þessir ungu og hæfileikaríku leikarar hafa verið við stífar æfingar undanfarnar vikur og verður gaman að sjá afraksturinn.

Á næstu vikum verður boðið upp á fjölbreytta sirkusdagskrá í Edinborgarhúsinu. Sirkuslistahópurinn Les Babeluttes & Co mun bjóða upp á sirkusæfingar fyrir alla aldurshópa, vinnustofur í teygjum og styrktarþjálfun og að lokum sirkussýningu laugardaginn 28. janúar.

Sunnudginn 22. janúar höldum við harmonikkuball í Edinborgarhúsinu. Baldur Geirmunds og félagar leika fyrir dansi frá kl. 14-16. Nú er um að gera að nota þetta einstaka tækifæri og fá sér snúning á dansgólfinu.

Laugardaginn 3. desember kl. 16:00 verður bókmenntavakan Opin bók haldin í Edinborgarsal Edinborgarhússins. Opin bók er árviss viðburður í menningarlífnu á Ísafirði þar sem rithöfundar koma fram og lesa upp úr nýútkomnum bókum sínum. Boðið verður upp á kaffi og smákökur undir lestrinum. Bóksali frá Eymundsson mætir á svæðið.

Dansverkið Hannah Felicia verður sýnt í Menningarmiðstöðinni Edinborg miðvikudaginn 23. nóvember, kl. 18:00. Verkið fjallar um systrabönd og samband tveggja manneskja. Eða eru það kannski frekar tvær hliðar á sömu manneskjunni? Manneskju sem þráir að vera sýnileg, viðurkennd og elskuð.

Dansverkið Hanna Felicia er samstarf íslenskra og sænskra listamanna. Spinn Danskomaniet er atvinnudansflokkur með dönsurum sem eru bæði fatlaðir og ófatlaðir og hefur aðsetur í Gautaborg. Lára Stefánsdóttir er danshöfundurinn, Högni Egilsson semur tónlistina, ljósahönnun er í höndum Þórarins Guðnasonar og höfundur ljósmynda er Anna Ósk Erlingsdóttir.

Sýningin er með lesnum sjóntexta sem gerir hana aðgengilega, bæði fyrir almenna gesti en ekki síður sjónskerta og blinda. Í lok verksins verða umræður við Láru Stefánsdóttur danshöfund. Sýningin og umræður standa í u.þ.b. klukkustund.

Miðaverð:
Almennt miðaverð: 1.500 kr.
Eldri borgarar, börn og námsmenn: 1.000 kr.

Verkið verður einnig sýnt á Reykjavík Dance Festival.

Sýningin í Edinborgarhúsinu nýtur stuðnings frá Uppbyggingarsjóði Vestfjarða og ferð danshópsins til Íslands er studd af Kulturrådet í Svíþjóð og Sænsk-íslenska samstarfssjóðnum.

Ari Eldjárn mætir í Edinborgarhúsið föstudaginn 2. desember og verður með lauflétt uppistand. Fyrir rúmu ári síðan kom Ari einnig við og troðfyllti þá húsið. Miðasala er hafinn á Tix.is og hvetjum við alla til að tryggja sér miða sem fyrst!

Það eru ekki enn komin jól en það er að koma Hrekkjavaka – dagur alls þess sem er hræðilegt. Af því tilefni verður haldið útgáfuhóf í Edinborgarhúsinu fyrir barnahryllingsjólabókina Frankensleiki eftir Eirík Örn Norðdahl.