Hljómsveitin Dimma heldur stórtónleika í Edinborgarhúsinu á menningarhátíðinni Veturnóttum, laugardaginn 22. október.

Tónleikarnir hefjast kl. 21:00 og fara fram í Edinborgarsal. Miðasala á Tix.

Í ár fagnar DIMMA 10 ára afmæli útgáfu plötunnar Myrkraverk en hún markaði tímamót í sögu hljómsveitarinnar með nýrri liðskipan auk þess sem allir textar voru sungnir á íslensku.

Skemmst er frá því að segja að Myrkraverk fékk gríðargóðar viðtökur, seldist vel og færði DIMMU á hærra plan.

DIMMA mun á tónleikunum flytja Myrkraverk í heild sinni ásamt mörgum af sínum vinsælustu lögum.

Staðsetning og tími: Edinborgarsal 22. október, kl. 21:00