Þann 22.nóvember 2025 eru 70 ár frá fæðingu tónlistarmannsins Jóns Hallfreðs Engilbertssonar eða Halla eins og hann var kallaður. Af því tilefni heldur fjölskylda hans heiðurstónleika í Edinborgarhúsinu á Ísafirði þann dag kl. 21:00. Fram koma fjölmargir spila- og söngfélagar Halla í gegnum árin, þar á meðal Karlakórinn Ernir og hljómsveitin Dolby. Hljómsveitarferill Halla spannar um 50 ár og má búast við tónlist frá hinum ýmsu tímum.