Dagana 12.–13. september verður boðið upp á einstaka PAVEMENTS-helgi í Edinborgarhúsinu á Ísafirði og í Ísafjarðarbíói. Tilefnið er Íslands-frumsýning kvikmyndarinnar, PAVEMENTS, sem fjallar á ferskan og óhefðbundinn hátt um hina goðsagnakenndu indie hljómsveit Pavement. Hljómsveitin Reykjavík! kemur fram um helgina og sérstakur gestur verður Bob Nastanovich úr Pavement.

Miðvikudaginn 27. ágúst kemur svissneska tríóið Quiet Tree fram á tónleikum í Bryggjusal Edinborgarhússins kl. 20:30.

Föstudaginn 22. ágúst verður svo sannkölluð norræn jazzveisla þegar tríóið Osgood/Blak/Poulsen leikur í Bryggjusal Edinborgarhússins. Tónleikarnir hefjast kl. 21:00.

Dagana 10.-13. ágúst setur Ísleikhúsið upp glænýjan farsa eftir Dagbjörtu Ósk Jóhannsdóttur  í Edinborgarhúsinu, Til hamingju, þú ert að eignast Ísfirðing.

Fimmtudaginn 14. ágúst mæti hljómsveitin ADHD í Edinborgarhúsið og leikur lög af nýjustu plötu sveitarinnar ásamt því að hleypa gömlum lögum á skeið. Tónleikarnir fara fram í Edinborgarsal og hefjast kl. 20:30. 

Edinborgarhúsið kynnir glæsilega jazzdagskrá frá lok júlí fram í september. Í boði verður sérstakur jazzpassi á sérstökum kjörum sem gildir á alla tónleikana. Dagskráin er í samstarfi við Jazzhátíð Reykjavíkur en Edinborgarhúsið og hátíðin hafa átt í farsælu samstarfi undanfarin þrjú sumur.

Kontrabassaleikarinn Freysteinn Gíslason heldur tónleik með kvartetti sínum í Edinborgarhúsinu þann 25. júlí kl. 20:30. 

Kvartett Sunnu Gunnlaugs ásamt Marínu Ósk kemur fram á tónleikum undir yfirskriftinni  „Ástin, bjartsýnin og andskotans blaðrið í fólkinu“ en það er jafnframt titill hljómplötu sem kom út á síðasta ári. Tónleikarnir fara fram í Bryggjusal Edinborgarhússins og hefjast kl. 20:30.