Samband English

Daðrað við Sjeikspír kaffileikhús á Ísafirði

STUND & STAÐUR

Dags: Miðvikudagur 4. maí 2016

Tími: 20:00

Staður: Rögnvaldarsalur

Verð: 3500

Daðrað við Sjeikspír kaffileikhús
Kómedíuleikhúsið sýnir leikritið Daðrað við Sjeikspír 4. maí í Rögnvaldarsal í Edinborgarhúsinu. Um er að ræða sýningu að hætti kaffileikhúsa og sitja því gestir við borð og geta jafnvel sötrað á einhverju svalandi. Sýningin hefst kl.20 en húsið opnar kl.19.30. Miðasala er hafin í síma 891 7025. Einnig er hægt að kaupa miða við innganginn á sýningardegi. Miðaverð er 3.500.- Rétt er að taka fram að þetta verður eina sýningin á Ísafirði á Daðrað við Sjeikspír.

Í ár eru liðin 400 ár frá því leikskáldið William Shakespeare, eða Sjeikspír einsog við ritum það, sagði skilið við veru sína á hótel jörð. Hann var ekkert sérlega langlífur frekar en flestir þeir er dvöldu á hótelinu á þessum tíma, en hann lést 52 ára gamall, en þá hafði hann skrifað 37 leikrit. Að því tilefni hefur Kómedíuleikhúsið sett saman í sýninguna Daðrað við Sjeikspír. Fjallað verður um ævi meistarans og flutt brot úr fjórum af hans þekktustu verkum. Ótelló, Rómeó og Júlíu, Makbeð og Hamlet. Leikarar eru þau Elfar Logi Hannesson og Anna Sigríður Ólafsdóttir. Búningahönnuður er Marsibil G. Kristjánsdóttir og leikstjórn annast Víkingur Kristjánsson.





© Edinborg Menningarmiðstöð | Vefsmíði: Styx ehf. | CMS: WebSmith
Merki DressUpGames