Samband English

Opnun sýningar, Baskavígin, Basknesk þjóðlög

STUND & STAÐUR

Dags: Laugardagur 4. júlí 2015

Tími: 16:00

Staður: Slunkaríki til

Verð: frítt inn

Guðrún Ólafsdóttir söngkona og Francisco Javier Jáuregui leika basknesk þjóðlög við opnun sýningar um Spánverjavígin 1615 í Slunkaríki í Edinborgarhúsinu á Ísafirði

 

Sýningin um Spánverjavígin 1615 er sett upp í tilefni af því að 400 ár eru í haust liðin frá þessum hrottalegu vígum sem áttu sér stað í Ísafjarðardjúpi og í Dýrafirði. Baskneski listamaðurinn Guillermo Zubiaga teiknar átta myndir sem sýna helstu atriði sögunnar. Sigrún Antonsdóttir skrifaði textann. Úlfur Kolka hannaði sýningarspjöldin. Baskavinafélagið á Íslandi stendur að sýningunni sem er aðgengileg á fjórum tungumálum, íslensku, basknesku, spænsku og ensku. Nánari upplýsingar má finna á vefnum http://baskavinir.is/

 
Guðrún Ólafsdóttir söngkona á heima í Madríd. Hún og maðurinn hennar, gítarleikarinn Francisco Javier Jáuregui, gáfu út disk nýlega, þar sem má finna nokkur basknesk þjóðlög í útsetningum Javiers fyrir rödd, fiðlu og gítar. Þau koma fram við opnun sýningar um Spánverjavígin laugardaginn 4. júlí kl. 16 í sal Edinborgarhússins.
Hér má hlýða á hljóðdæmi:
https://soundcloud.com/gudrun-olafsdottir

Nánari upplýsingar má nálgast hér:

 

 




© Edinborg Menningarmiðstöð | Vefsmíði: Styx ehf. | CMS: WebSmith
Merki DressUpGames