Samband English

Ósæðarspesíalisti á Edinborg

STUND & STAÐUR

Dags: Föstudagur 3. október 2014

Tími: 21:00

Staður: Rögnvaldarsalur

Verð: 0

„Við verðum að rannsaka hjartað og opna það, það er frumatriði í allri sköpun. Og til að sköpunin geti verið skemmtileg, veitt okkur gleði, þá er málið að vera með opið hjarta,“ segir Ingibjörg Magnadóttir myndlistarkona og leikskáld en hún heldur erindi í sal Listaskóla Rögnvaldar í Edinborgar í kvöld, föstudaginn 3.oktober kl. 21.00.

 

Listaskóli Rögnvaldar og Okkar eigin – höfundasmiðjur, bjóða Ísfirðinga og nærsveitarfólk með áhuga á skapandi lífstíl og sköpun í formi texta og leikrænnar tjáningar á, erindi gjörningalistakonunnar og leikskáldsins Ingibjargar Magnadóttur, Ósæðarspesíalistinn þræðir með orðinu fyrst. Erindið er opnunar-gjörningur annarar helgar höfundasmiðjunnar Okkar eigin, en þema helgarinnar er „Að opna á sér hjartað“. Höfundasmiðja helgarinnar er leidd af Hlín Agnarsdóttur, leikskáldi og leikstjóra. Allir eru velkomnir og aðgangur ókeypis.

 

Ingibjörg Magnadóttir vinnur einna helst með gjörningaformið í list sinni. Ingibjörg

hefur þróað leikhús-tengd verk, sem sameina svið gjörningsins, hefðbundins og

tilraunakennds leikhúss. Síðastliðinn sunnudag var á dagskrá Ríkisútvarpsins verk hennar Rökrásin. http://www.ruv.is/sarpurinn/utvarpsleikhusid-rokrasin/28092014

Hún skrifar sjálf handrit verka sinna, og leggur áherslu á

að verkið sé heildarverk, þar sem sviðsmynd, búningar, texti, hreyfingar, hljóð eiga

jafnan þátt í að skapa verkið.

Viðfangsefni verka Ingibjargar eru gjarnan tengd hugmyndum um almættið, skammtafræði, tengsl mannsins við hið andlega svið og sköpunareðlið sjálft. Hún

vinnur einnig með klassísk efni – ástina, dauðann, sorgina, óttann og aðrar tilfinningar

mannsins.

 

Ingibjörg Magnadóttir útskrifaðist með B.A. gráðu frá Listaháskóla Íslands árið 2000

og síðar nam í leikhús-skólanum Akademi for scenekunst í Fredriksstad í Noregi árið

2002. Hún er í M.A námi við HÍ í ritlist og hefur tekið þátt í Höfundasmiðjum Leikskáldafélags Íslands og Þjóðleikhússins. 

 




© Edinborg Menningarmiðstöð | Vefsmíði: Styx ehf. | CMS: WebSmith
Merki DressUpGames