Samband English

Westfjord ArtFest - 6. og 7. apríl

STUND & STAÐUR

Dags: Mánudagur 2. apríl 2012

Listahátíðin Westfjord ArtFest verður haldin í annað sinn á Ísafirði
dagana 6. og 7. apríl 2012. Westfjord ArtFest verður í þremur ólíkum
rýmum á Ísafirði; Norska Bakaríinu, Menningarmiðstöðinni Edinborg og KNH
skemmunni þar sem vídjóverkum verður varpað á sama tíma og Aldrei fór ég
suður hátíðin fer fram. Það má segja að 58 listamenn komi að Westfjord
ArtFest. Í Rögnvaldarsal í Edinborgarhúsinu verður sýningin Phobophobia
en það er samsýning 33 myndskreytara, nánari upplýsingar um Phobophobiu
eru á staðnum.
Alls munu 25 listamenn sýna 20 málverk og 5 vídjóverk í Norska
Bakaríinu en flestir hafa þeir unnið að verkum sínum frá þvi á síðasta
ári. Þema málverkanna á WAF er 1x1 og er það vísun í stærð verkanna en
þau eru öll einn x einn meter að stærð. Markmið WAF er að færa gestum og
heimamönnum lifandi listahátíð með ungum, efnilegum og framsæknum
listamönnum og það sem einkennir listamennina á WAF er sköpunarkraftur,
metnaður og lífsgleði.

 

Þökkum menningarráð Vestfjarða fyrir veittan stuðning. 





© Edinborg Menningarmiðstöð | Vefsmíði: Styx ehf. | CMS: WebSmith
Merki DressUpGames