Samband English

Ég hlusta á vindinn

STUND & STAÐUR

Dags: Miðvikudagur 21. september 2016

Tími: kl 9:45 og 16:15

Verð: 1000 kr fyrir fullorðna en frítt fyrir börn

Sýningin Ég hlusta á vindinn verður sýnd í Edinborgarhúsinu 21. september. 

 

Klukkan  9:45 fyrir leikskóla

Klukkan 16:15 opin sýning fyrir alla, frítt fyrir börnin en fullorðnir borga 1000 kr

 

Við hvetjum börnin til að leyfa bangsa að koma með

 


Leikararnir Marjo Lahti og Henna~Riikka Nurmi hafa þýtt og stílfært sýninguna Puhu tuuli purteheni sem útlegst á íslensku Ég hlusta á vindinn. Sýningin hefur verið vinsæl í Finnlandi frá árinu 2009 þegar hún var frumsýnd.

Þetta er fjölskyldusýning, sérstaklega sniðin að börnum allt frá 3 mánaða til 5 ára þó allir geti notið sýningarinnar sem er persónuleg, litrík og skemmtileg. Hugmyndin að sýningunni byggir á foreldrahlutverkinu og hinu einstaka sambandi milli barns og foreldris. Söngvar og textar sem farið er með eru úr Kanteletar úr Kalevala og Eddu kvæðum. 

Sýnt verður í Edinborgarsal á ísafirði 

Sýningin fer fram á íslensku og finnsku og tekur u.þ.b. 45 mín. Leikarar eru: Marjo Lahti og Henna-Riikka Nurmi. 

Henna-Riikka Nurmi er dansari og danskennari á Ísafirði og hefur kennt í Listaskóla Rögnvaldar frá árinu 2005. Hún lærði dans í Listaháskólanum í Turku og leiklistaháskóla í Helsinki. Marjo Lathi er leikari og leiklistakennari frá leiklistahálskólanum í Helsingi og í Stadia í Finnlandi. Henna hefur búið á Ísafirði frá árinu 2005 og Marjó býr í Finnlandi en ver sumrum á Flateyri þar sem hún á sumarhús.

 

Uppbyggingasjóður styður verkefnið


Nánari upplýsingar gefur Henna í síma 868-3861 eða í hennariikka.nurmi@gmail.com





© Edinborg Menningarmiðstöð | Vefsmíði: Styx ehf. | CMS: WebSmith
Merki DressUpGames